دادگای فیدڕاڵی لەبارەی سێ یاسا گرنگەكەی عێراق بڕیاریدا

دادگای فیدراڵی عێراق، كەمێك پێش ئێستا لەبارەی هەر سێ یاسای گەڕاندنەوەی موڵک بۆ خاوەنەکەی، باری هەمواری باری کەسی و لێبوردنی گشتی  بڕیاریدا بەوەی راگرتنەکە هەڵبوەشێتەوە و یاساکان جێبەجێ بکرێن

دادگای باڵای فیدراڵی عێراق، كەمێك پێش ئێستا بڕیاریدا كە تانەدان لە یاسای لێبوردنی گشتی، باری کەسی و گەڕاندنەوەی موڵک و ماڵی  بۆ خاوەنەکەی ڕەت بکاتەوە.

ئاماژەی بەوەشكرد، بڕیاری داوە بە هەڵوەشاندنەوەی فەرمانی دەوڵەت بۆ ڕاگرتنی جێبەجێکردنی یاساکانی لێبوردنی گشتی، باری کەسی و موڵک و ماڵی  بۆ خاوەنەکەی.

دادوەر جاسم عەبود، سەرۆکی دادگای باڵای فیدراڵی لەمیانەی بەڕێوەچونی دانیشتنەكەدا ڕایگەیاند، نابێت هیچ یاسایەک دەربکرێت کە لەگەڵ دەستوری عێراقدا ناكۆك بێت.

دەشڵێت، "بڕیارەكانی دادگا مایەی تانەلێدان نین و پابەندكەرن بۆ تەواوی دەسەڵاتەكانی عێراق".