ترەمپ بۆ گرێبەستی یەک ترلیۆن دۆلاری دەچێتە سعودییە
2025-03-07
84 جار خوێنراوەتەوە
دوای ئەوەی سعودیە ڕەزامەندی دەربڕی لەسەر وەبەرهێنانی یەک ترلیۆن دۆلار بۆ کۆمپانیا ئەمریکییەکان، دۆناڵد ترەمپ سەرۆکی ئەمریکا بەنیازە سەردانی ڕیاز بکات بۆ گفتوگۆکردن لەسەر ڕێککەوتنەکە.
ترەمپ ڕەتیکردەوە کە چاوی بە ڤلادیمێر پوتین سەرۆکی ڕووسیا بکەوێت لە سعودیە و جەختیشی لەوە کردەوە کە هۆکاری سەردانەکە پاڵنەری بازرگانییە، بەبێ ئەوەی وادەی بۆ ئەو مەبەستە دیاری بکات.
سعودیە یەکەم شوێنی بیانی بوو کە ترەمپ دوای دەستبەکاربوونی لە ساڵی 2017 سەردانیکرد و گرێبەستێکی ٤٥٠ ملیار دۆلاری ئەنجام دا، لە دوای گەڕانەوەی بۆ کۆشکی سپی تا ئێستا گەشتی دەرەوەی وڵاتی نەکردووە.
ئیدارەی ترەمپ سوێندی خوارد بە هەموو خێرایییەکەوە بەرەو پێشەوە بچێت لە هەوڵدان بۆ ڕازیکردنی سعودیە بۆ ئاساییکردنەوەی پەیوەندییەکانی لەگەڵ ئیسرائیل.
|