وه‌زیری گه‌نجینه‌ی ئه‌مریكا: جارێكی دیكه ئیفلاس به ئێران ده‌كه‌ین
2025-03-07
236 جار خوێنراوەتەوە
سكۆت بێسانت وه‌زیری گه‌نجینه‌ی ئه‌مریكا ڕایگه‌یاند، ئه‌مریكا "هه‌ڵمه‌تێكی زۆرترین فشاری سزادان به‌سه‌ر ئێراندا به‌ڕێوه‌ده‌بات بۆ له‌ناوبردنی هه‌نارده‌كردنی نه‌وتی ئێران و فشارخستنه سه‌ر دراوه‌كه‌ی و ئیفلاسكردنی ئه‌و وڵاته به‌ته‌واوی".
سكۆت بێسانت له وتارێكدا له یانه‌ی ئابوری نیویۆرك وتی، "دوباره ئیفلاسكردنی ئێران ده‌بێته سه‌ره‌تای سیاسه‌تی پێداچونه‌وه‌ی سزاكانمان".
وتیشی، "كه‌رتی نه‌وتی ئێران داده‌خه‌ین و ڕێگری ده‌كه‌ین له‌به‌رهه‌مهێنانی فڕۆكه‌ی بێفڕۆكه‌وان"، جه‌ختیشی له‌وه كرده‌وه كه واشنتن ئه‌و لایه‌نه ناوچه‌ییانه ده‌كاته ئامانج كه ئاسانكاری بۆ گواستنه‌وه‌ی داهاته‌كان بۆ تاران ده‌كه‌ن، سزاكانیش ڕێگریكردن له ده‌ستگه‌یشتن به ئێران به سیسته‌می دارایی جیهانی له‌خۆده‌گرێن".
وه‌زیری گه‌نجینه‌ی ئه‌مریكا جه‌ختیكرده‌وه كه "ئاسایشی ئابوری ناوه‌كی ئاسایشی نیشتمانییه و ئێرانیش هیچ كام له‌م دووانه له‌ژێر ئه‌م ڕێوشوێنه ئابورییه توندانه‌دا ناگات".
سكۆت بێسێنت وەزیری گەنجینەی ئەمریكا راشیگەیاند، شکست بە ئابوری ئێران دەهێنین و ئەگەر من هاووڵاتی ئێرانی بوومایە هەموو پارەکانم دەکردە دراوی بیانی
ئه‌م هه‌نگاوه له چوارچێوه‌ی هه‌ڵمه‌تی "زۆرترین فشار" دێت كه تره‌مپ سوێندی خواردوه دوباره جێبه‌جێی بكاته‌وه بۆ گۆشه‌گیركردنی ئێران له ڕوی ئابورییه‌وه و كه‌مكردنه‌وه‌ی هه‌نارده‌ی نه‌وتی ئێران بۆ سفر، به ئامانجی ڕێگریكردن له په‌ره‌پێدانی به‌رنامه‌ی ئه‌تۆمی.ی ئه‌مریكا: جارێكی دیكه ئیفلاس به ئێران ده‌كه‌ین
|