بەپارێزگابوونی هەڵەبجە پاڵپشتییەکی زۆری بەدەستهێناوە

ئەندامێكی ئەنجوومەنی نوێنەرانی عێراق ڕایگەیاند، پڕۆژەیاسای بە پارێزگابوونی هەڵەبجە پاڵپشتی زۆرینەی فراكسیۆنەكانی بەدەستهێناوە و تەنها دەنگدانی لەسەر ماوە.

بڕیار ڕەشید، ئەندامی ئەنجوومەنی نوێنەرانی عێراق لە فراكسیۆنی یەکێتی نیشتمانی سەبارەت بە پارێزگابوونی هەڵەبجە ڕایگەیاند، پڕۆژەیاسای بە پارێزگابوونی هەڵەبجە پاڵپشتی زۆرینەی فراكسیۆنەكانی بەدەستهێناوە و تەنها دەنگدانی لەسەر ماوە.

ئاماژەی بەوەشکرد، ئێمە لە فراكسیۆنی یەکێتیی هەموو هەوڵێكمان دەخەینەگەڕ بۆ ئەوەی دەنگدان لەسەر بە پارێزگابوونی هەڵەبجە بخرێتە بەرنامەی كاری دانیشتنی ئەنجوومەنی نوێنەرانەوە.

وتیشی: بە هاوكاریی فراكسیۆنەكانی دیكە، كاردەكەین بۆ ئەوەی پڕۆژەیاسای بە پارێزگابوونی هەڵەبجە لەگەڵ نزیك بوونەوەی یادی كارەساتی كیمیابارانی هەڵەبجەدا دەنگی لەسەر بدرێت.