فواد حسێن: لووتکەى عەرەبی لە بەغدا 17ى ئایار دەکرێت
2025-03-06
33 جار خوێنراوەتەوە
وەزیرى دەرەوەى عێراق رایگەیاند، 17ى ئایارى داهاتوو وەک رۆژى فەرمى ئەنجامدانى لووتکەى کۆمکارى عەرەبی لە بەغدا دیاری کراوە.
ئاشکراکردنى ئەو رۆژە لەلایەن فوئاد حوسێنەوە لە دوازدەیەمین کۆبوونەوەی ئامادەکارى بوو بۆ ئەو لووتکەیە کە ئەمڕۆ پێنجشەممە، 6ى ئادارى 2025، لە بەغدا کرا.
بە گوێرەى راگەیێندراوى وەزارەتى دەرەوەى عێراق، لەو کۆبوونەوەیەدا ئامادەکارییەکانى تایبەت بە ئەنجامدانى ئەو لووتکەیە باسکراوە و تاوتوێى ئەو راپۆرتانە کراوە کە لەلایەن لیژنە تایبەتمەندەکانەوە پێشکێش کراون، کە تایبەت بوون بە ئامادەکاریى لۆجستى و تەکنیکى و رێکخستنى لووتکەکە.
ئەوە چوارەم جارە لووتکەى کۆمکارى عەرەبی لە بەغدا بکرێت کە دوایینیان لە ساڵى 2012 بوو، دوو لووتکەکەى دیکە لە ساڵانى 1978 و 1990 کراون.
فوئاد حوسێن جەختی کردەوە کە عێراق کار لەسەر ئەوە دەکات کەشێکى گونجاو بۆ سەرکەوتنى ئەو لووتکەیە بڕەخسێنێت.
|