سەرۆکایەتیی هەرێم: رەفتاری سوپای عێراق قبووڵکراو نییە

سه‌رۆكایه‌تی هه‌رێمی كوردستان له‌په‌یامێكدا ده‌رباره‌ی ئه‌و ڕه‌فتاره‌ی له‌لایه‌ن هه‌ندێك له‌ ئه‌ندامانی سوپای عێراقه‌وه‌ ده‌رهه‌ق به‌ جوتیارانی كورد له‌ سنوری كه‌ركوك كراوه‌ رایده‌گه‌یه‌نێت، ئه‌و ڕه‌فتاره‌ به‌ ته‌واوی ڕه‌تكراوه‌یه‌ و مایه‌ی قبوڵكردن نییه‌ و ده‌بێت هه‌مولایه‌ك ئه‌و جۆره‌ مامه‌ڵه‌ و ڕه‌فتارانه‌ ڕه‌تبكه‌نه‌وه‌".

دڵشاد شهاب وته‌بێژی سه‌رۆكایه‌تیی هه‌رێمی كوردستان له‌ڕاگه‌یه‌ندراوێكدا بڵاویكرده‌وه‌، "ئه‌و ڕه‌فتاره‌ی له‌لایه‌ن هه‌ندێك له‌ ئه‌ندامانی سوپای عێراقه‌وه‌ ده‌رهه‌ق به‌ جوتیارانی كورد له‌ سنوری كه‌ركوك كراوه‌ به‌ ته‌واوی ڕه‌تكراوه‌یه‌ و مایه‌ی قبوڵكردن نییه‌".

باسی له‌وه‌شكردوه‌، "سه‌رۆكایه‌تی هه‌رێمی كوردستان له‌ ‌نزیكه‌وه‌ به‌دوای بابه‌ته‌كه‌دا چوه‌ و داوای له‌ لایه‌نه‌ په‌یوه‌ندیداره‌كان كردوه‌ ڕێكاری پێویست به‌رامبه‌ر به‌ ئه‌نجامده‌رانی ئه‌و كاره‌ بگرنه‌به‌ر و ڕێگا له‌ دوباره‌بونه‌وه‌ی بگرن".

وته‌بێژی سه‌رۆكایه‌تی هه‌رێم باسی له‌وه‌شكردوه‌، "ئه‌م ڕه‌فتارانه‌ زیان به‌ پێكه‌وه‌ژیان و ئاشتیی كۆمه‌ڵایه‌تی ده‌گه‌یه‌نن و ده‌بێت هه‌مولایه‌ك ئه‌و جۆره‌ مامه‌ڵه‌ و ڕه‌فتارانه‌ ڕه‌تبكه‌نه‌وه‌ و سه‌رزه‌نشتی ئه‌نجامده‌رانی بكه‌ن و ڕوبه‌ڕوی سزای یاسایییان بكه‌نه‌وه‌".