بەرەی گەلی لاهور شێخ جەنگی راگەیەندراوێکی توندی بڵاوکردەوە

بەرەی گەل ئیدانەی ڕووداوەکەی عەربەت دەکات و دەڵێت، ئیدانەی ئەم جۆرە رەفتارانە دژ بەمامۆستایان و فەرمانبەران و چالاکوانان دەکەین، هاوکات پشتیوانی داوا رەواکانیان دەکەین کە ئامانجیان خزمەتکردنە بەتێکڕای چین و توێژەکانی خەڵکی کوردستان.

٧ڕۆژ

♦️♦️دەقی راگەیەندراوەکە:

لەکاتێکدا کە فەرمانبەران و مامۆستایانی هەرێمی کوردستان بەهۆی دژواری دۆخی ژیان و دواکەوتنی موچەکانیان، پەنا دەبەنەبەر مانگرتن و خۆپیشاندان و دەربڕینی ناڕەزایەتی و ڕێگریکردن لە بەتاڵانبردنی نەوتی هەرێمی کوردستان.

ئێمە چاوەڕێ بووین کە دەسەڵات پێشوازی لەم هەنگاوە بکردایە، بەڵام دەرکەوت کە دەسەڵاتدارانی ئەم زۆنەش خۆیان بەرپرسی بەتاڵانبردنی سەروەتی نەوتی و نانەوتی ئەم هەرێمەن. 

هەربۆیە بەشێوەیەکی نابەرپرسیارانە و دوور لەسیمای دیموکراسی هەڵیانکوتایە سەر خێمەی مامۆستایان و چالاکوانان، بەداخەوە ژمارەیەک مامۆستا و  رۆژنامەنووسیان دووچاری لێدان و دەستگیرکردن کردەوە.

ئێمە لەبەرەی گەل، ئیدانەی ئەم جۆرە رەفتارانە دژ بەمامۆستایان و فەرمانبەران و چالاکوانان دەکەین، هاوکات پشتیوانی داوا رەواکانیان دەکەین کە ئامانجیان خزمەتکردنە بەتێکڕای چین و توێژەکانی خەڵکی کوردستان.

بەرەی گەل
٢٠٢٥/٢/٢٥