بوومەلەرزەیەکی بەهێز ئیستەنبووڵی هەژاند

ئەمڕۆ چوارشەممە بومەلەرزەیەکی بەهێز بە گوڕی 6.02 پلە بە پێوەری ڕێختەر لە شاری ئیستانبوڵ لە تورکیا ڕویدا.

بەڕێوەبەرایەتی فریاگوزاری و كارەساتەكانی توركیا (ئافاد) له‌ ڕاگه‌یه‌ندراوێكدا باسی له‌وه‌كردوه‌، "بومەلەرزەکەی ئیستانبوڵ 6.2 پلە بە پێوەری ڕێختەر بوە و له‌لایه‌ن دانیشتوانی ئیستانبوڵەوە هەست بە بومەلەرزەی کراوە.

ئاماژه‌ی به‌وه‌شكردوه‌، دوای ئه‌و بومه‌له‌رزه‌ به‌هێزه‌، بومەلەرزەیەکی دیکە بە گوڕی 4.4 پلە بە پێوەری ڕێختەر لە کاتژمێر 12:51 بە کاتی ناوخۆی ئیستانبوڵ ڕویداوه‌.

لای خۆیەوە وەزارەتی ناوخۆی تورکیا ڕایگەیاند، "تیمەکانمان چاودێری پێشهاتەکانی دوای بومەلەرزەکەی ئیستنبوڵ دەکەن"، تا ئێستا زیانه‌ گیانییه‌كان نه‌زانراوه‌.