سوودە تەندرووستییەکانی بە ڕۆژووبون كامانەن؟

نەخۆشخانەی سمارت بڵاویكردەوە، بە ڕۆژوبوون چەندین سوودی تەندرووستی هەیە لەوانەش، باشبوونی هەستیاری ئەنسۆلین و باشتر ڕێکخستنی ئاستی شەکری خوێن و پشوودانی کۆئەندامی هەرس لە کاتژمێرەکانی بەڕۆژووبووندا.

نەخۆشخانەی سمارت لەبارەی سوودە تەندرووستییەکانی بە ڕۆژووبون نوسینێکی بڵاوكردەوە

دەقی نوسینەکەی:-

بە ڕۆژووبون چەندین سوودی تەندرووستی هەیە لەوانەش:-

یەكەم- باشبوونی هەستیاریی ئەنسۆلین و باشتر ڕێکخستنی ئاستی شەکری خوێن.

دووەم- بەکارهێنانی چەوری لە پڕۆسەی بەرهەمهێنانی وزەدا.

سێیەم- پشوودانی کۆئەندامی هەرس لە کاتژمێرەکانی بەڕۆژووبووندا.

چوارەم- پرۆسێسکردنی ژەهرەکانی نێو جەستە لەلایەن جگەرەوە.

پێنجەم- دووبارە دروستکردنەوەی خانەکان.

شەشەم- زیادبوونی چالاکیی خانەکانی بەرگری جەستە وەک خانە بکوژە سروشتییەکان Naturalkiller cells (NK cells) و خانەی هەڵلوشێنەری گەورە Macrophage

حەوتەم- کەمکردنەوەی ئاستی کۆی گشتی کۆلیسترۆڵ و چەوری پڕۆتینی چڕی نزم (LDL) کە بە کۆلیستڕۆڵی «خراپ» ناو دەبرێت و بەرزکردنەوەی ئاستی چەوری پڕۆتینی چڕی بەرز (HDL) کە بە کۆلیستڕۆڵی «سوودبەخش» ناو دەبرێت.

هەشتەم- کەمکردنەوەی مەترسی تووشبوون بە نەخۆشییەکانی دڵ و خوێنبەرەکان.