گرنگی ڕۆژوو گرتن بۆ لەشی مرۆڤ چییە؟

كاتێك مرۆڤ بۆ ماوەیەكی زۆر خۆی لە خواردن و خواردنەوە بەدوردەگرێت، چەند گۆڕانكارییەك بەسەر جەستەدا رودەدات، کامەران ڕەسوڵ ژاژڵەیی، پسپۆڕی زانستی خۆراک ئەو گۆڕانكارییانەی بڵاوكردوەتەوە.

1. چارەسەرکردنی بەشێکی زۆری کێشەکانی کۆئەندامی هەرس، لە ڕێگەی پێدانی پشویەک بۆ کۆئەندامی هەرس و کەمکردنەوەی ئەنزایمەکانی هەرسکردن و یارمەتیدانی هاوسەنگ ڕاگرتنی شلەکانی ناو جەستە.

2. بەهێزکردنی تەندروستی دڵ و بۆریەکانی خوێن لە ڕێگای دابەزاندنی چەوری سیانی و کولیستڕۆڵی خراپ لە خوێن و دابەزاندنی فشاری خوێن. 

3. بەدەست هێنانی کێشی نمونەیی و چارەسەری قەڵەوی و زۆری کێش. 

4. یارمەتی دانی کۆنتڕۆڵ کردنی ئاستی شەکرەی خوێن.

5. پاراستن و بەهێزکردنی تەندروستی پێست و کەمکرندنەوەی نیشانەکانی هەندێك نەخۆشی پێست  وەک،  زیپکە و هەوکردنی پێست بە هۆی بەکتریاوە. 

6. پاکردنەوەی جەستە لە ماددە ژەهراوەیەکان، بەهێزکردنی تەندروستی جگەر و  کۆئەندامی بەرگری لەش، خۆپاراستن لە هەوکردن.

7. هەلێکە بۆ وازهێنان لە ماددە کحولیەکان و جگەرکێشان. 

تێبینی: بۆ  بە دەستهێنانی ئەم سودە تەندروستیانە پێویستە کەسی ڕۆژوان  پاپەند بێت بە ڕێنمییاییەکانی شێوازی خۆراک و ستایلی ژیانی دروستی مانگی ڕەمەزان.