گۆران قادر، سەرۆکی لیژنە هاوبەشەکانی قایمقامییەتی سلێمانی رایگەیاند، "لەو ئارایشتگەیەدا کۆمەڵێک نووشتە و جادوو دۆزراونەتەوە، ئەو ئارایشتگەیە پابەندی رێنماییەکانی کارکردن نەبووە، بۆیە داومانەتە دادگە."

 

قایمقامیه‌تی سلێمانی راگەیێندراوێکی لەسەر داخستنی ئارایشتگاکە بڵاوکردووەتەوە و تێیدا هاتووە، "راپۆرتی لیژنه‌کە ئاماژه‌ی بەوە‌كردووه‌، به‌هۆی پابه‌ندنه‌بوون به‌ مه‌رج و رێنماییه‌كان و کردنی سیحر و جادوو له‌ شوێنه‌كه‌یدا، به ‌فه‌رمانی قایمقامی سلێمانی 'شنه‌ بیووتی' له‌ گه‌ڕه‌كی به‌كره‌جۆ داخرا."

 

قایمقامیه‌تی سلێمانی رایگەیاندووە، دۆسیە‌ی ئارایشتگەکە ره‌وانه‌ی دادگە ده‌كرێت و خاوەنەکەی رووبەڕووی ‌رێكاره‌ یاساییه‌كان دەکرێتەوە.

 

لیژنه هاوبه‌شه‌كانی قایمقامیەتی سلێمانی، "هۆشداری تووند" بەو کەسانە دەدات لە ئارایشتگەکان یان هەر شوێنێکی دیکە "سیحر و جادوو" دەکەن و دەڵێت: "ده‌ستبه‌جێ شوێنه‌كه‌یان داده‌خرێت و خاوه‌نه‌كه‌شیان رووبه‌ڕووی رێكاری یاسایی ده‌كرێته‌وه‌."