مەسعود بارزانی: کۆبوونەوەی شاندی ئیمرالی و ئەردۆغان ئومێد بەخشە
2025-04-12
172 جار خوێنراوەتەوە
مەسعود بارزانی، رایگەیاند، کۆبونەوەی نێوان شاندی ئیمرالی و ڕەجەب تەیب ئەردۆگان، سەرۆكی توركیا هەنگاوێکی ئیجابی و ئومێدبەخشە بۆ چارەسەری کێشەکان و پاڵنەرێکی بەهێزیشە بۆ پڕۆسەی ئاشتی لە تورکیا.
مەسعود بارزانی، ئەمشەو لە پەیامێكدا لە پەڕەی تایبەتی خۆی لە پلاتفۆڕمی "X" بڵاویكردەوە، کۆبونەوەی نێوان شاندی ئیمرالی و ڕەجەب تەیب ئەردۆگان هەنگاوێکی ئیجابی و ئومێدبەخشە بۆ چارەسەری کێشەکان.
ئاماژەی بەوەشكرد، كۆبونەوەی شاندەكەی دەم پارتی و سەرۆكی توركیا پاڵنەرێکی بەهێزیشە بۆ بەرەوپێشچونی پڕۆسەی ئاشتی لە تورکیا.
ئەوە لەكاتێكدایە دوێنی پێنجشەممە، پەروین بوڵدان و سری سورەییا ئۆندەر لە شاندی ئیمڕاڵی پارتی یەکسانی و دیموکراسیی گەلان (دەم پارتی) لەگەڵ ڕەجەب تەیب ئەردۆگان، سەرۆك كۆماری توركیا لە کۆشکی سەرۆکایەتی کۆمار كۆبونەوە.
|