وەزیری گەیاندنی عێراق: داوای قەدەغەکردنی تیکتۆکمان کردووە

هەیام یاسری، وەزیری گەیاندنی عێراق ڕایگەیاند، لەپێشینەی پڕۆژەكانی وەزارەت بۆ ساڵی 2025 بریتیە لە تەواوكردنی مۆڵەتی نیشتمانییە بۆ مۆبایلەكان بە تەكنەلۆژیای نەوەی پێنجەم (5G) و گەیاندنی كێبڵی ئینتەرنێت بە زۆرترین بەكارهێنەر، هەروەها دەشڵێت، "داواكارییەكمان پێشكەش كردوە بۆ قەدەغەكردنی ئەپڵیكەیشنی تیكتۆك و چاوەڕێی بڕیاری پەرلەمان دەكەین".

هەیام یاسری، ئەمڕۆ شەممە بە ئاژانسی هەواڵی عێراقی ڕاگەیاند،  لەپێشینەی پڕۆژەكانی وەزارەت بۆ ساڵی 2025 تەواوكردنی مۆڵەتی نیشتمانییە بۆ مۆبایلەكان بە تەكنەلۆژیای نەوەی پێنجەم، هەروەها بڵاوكردنەوەی كێبڵی فایبەر ئۆپتیک و گەیاندنی بە زۆرترین ژمارەی بەكارهێنەران بۆ باشتركردنی خزمەتگوزاری ئینتەرنێت و كۆتایهێنان بە خزمەتگوزاری وای فای.

ئاماژەی بەوەشكرد، كاردەكەن بۆ چالاككردنی ترانزێت و كێبڵی فایبەر ئۆپتیک و ئەو پڕۆژانەی وایكرد وڵاتانی نێودەوڵەتی و كۆمپانیا گەورە نێودەوڵەتییەكان چاویان لەسەر كۆریدۆری عێراق بێت.

وەزیری گەیاندنی عێراق باسی لەوەشكرد، پێشتر داواكارییەكی فەرمییان پێشكەشكردوە بەمەبەستی قەدەغەكردنی ئەپڵیكەیشنی تیكتۆك لە عێراق، ئەوەش دوای پێشكەشكردنی هەزاران تانە بوە لەلایەن زۆربەی خێزانە عێراقییەكان سەبارەت بە ڕاگرتن و قەدەغەكردنی ئەو ئەپە، چونكە زۆر شتی تێدایە كە بۆ گەلەكەمان و خێزانەكانمان ناگونجێت.

ئەوەشی خستەڕو، تەنها ئەوان نین كە بڕیارەكان دەدەن، وەك چۆن داواكارییەكمان پێشكەشكرد، هیوادارین پەرلەمانی عێراقیش بڕیارێك بۆ ئەو كارە دەربكات و جێبەجێی بكەین.وەزیری گەیاندنی عێراق دەڵێت، بۆ قەدەەکردنی تیکتۆک داوایان پێشکێش کردووە و چاوەڕێی بڕیاری پەرلەمانن. ئەندامێکی لیژنەی راگەیاندنی پەرلەمانیش رەتیدەکاتەوە داواکاری لەوشێوەیەیان پێگەیشتبێت.
 
تیکتۆک کە لە سەرانسەری جیهان زیاتر لە ملیارێک و 925 ملیۆن بەکارهێنەری هەیە، لە لایەن ژمارەیەک وڵاتەوە بە هۆکاری جیاجیا قەدەخەکراوە. 
 
بە گوێرەی داتاکانی کۆمپانیای بایت دانسی چینی، کە خاوەنی تیکتۆکە، ژمارەی بەکارهێنەرانی ئەپەکەیان لە عێراق لە سەرەتای ئەم ساڵ گەیشتووەتە 31 ملیۆن و 950 هەزار کەس، کە تەمەنیان لە سەرووی 18 ساڵەوەیە.
 
رۆژی 25ـی ئاداری ساڵی رابردوو، هیام یاسری، وەزیری گەیاندنی عێراق رایگەیاند، داوای لە ئەنجوومەنی وەزیرانی فیدراڵی کردووە ئەپی تیکتۆک قەدەغە بکات، لەبەرئەوەی بە بڕوای خۆی، تیکتۆک بۆ بڵاوکردنەوەی بابەتی "ناشیاو" بەکاردەهێندرێت.