وەزارەتی دارایی هەرێم: مووچەی مانگی هەشت گەیشت

وەزارەتی دارایی و ئابووریی هەرێمی کوردستان رایگەیاند: 945 ملیار و 817 ملیۆن دینار وەکو تەمویلی مووچەی مانگی ئابی فەرمانبەران و مووچەخۆران خرایە سەر هەژماری بانکیمان. 
 
رۆژی 26ـی تشیرینی یەکەمی 2025، وەزارەتی دارایی و ئابووریی هەرێمی کوردستان راگەیێندراوێکی لەوبارەیەوە بڵاوکردەوە.
 

دەقی راگەیێندراوەکەی وەزارەتی دارایی: 
 
تەمویلی مووچەی مانگی ئاب خرایە سەر هەژماری بانکی وەزارەتی دارایی.
 
ڕۆژی یەک شەممە ( 2025/10/26 )  ( 945،817،000،000 ) نۆسەد و چل و پێنج ملیار و هەشت سەد و حەڤدە ملیۆن دینار وەک تەمویلی مووچەی مانگی ئابی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان لە لقی هەولێری بانکی ناوەندیی عێراق.
 
راگەیاندنی وەزارەتی دارایی و ئابووری