چەند زانیارییەكی گرنگ لەبارەی شێرپەنجەی گوێ

 پسپۆڕێکی نەخۆشییەكانی گوێ و بیستن دەڵێت، شێرپەنجەی گوێ جۆرێکی دەگمەنی شێرپەنجەیە، کە ڕەنگە تووشی بەشە جیاوازەکانی گوێ ببێت، لەوانە گوێی دەرەوە و ناوەڕاست و ناوەوە. ئەم جۆرە شێرپەنجەیە نائاساییە، نیشانەکانیش بەپێی ئەو ناوچەیەی تووشی بووە دەگۆڕێت.

د. پێشڕەو بورهان پزیشكی پسپۆڕی نەخۆشییەكانی گوێ و بیستن لە نووسینێكدا ئاماژە بە شیڕپەنجەی گوێ دەكات و دەقی نووسینەكەی بەمجۆرەیە:-

شێرپەنجەی گوێ جۆرێکی دەگمەنی شێرپەنجەیە، کە ڕەنگە تووشی بەشە جیاوازەکانی گوێ ببێت، لەوانە گوێی دەرەوە و ناوەڕاست و ناوەوە. ئەم جۆرە شێرپەنجەیە نائاساییە، نیشانەکانیش بەپێی ئەو ناوچەیەی تووشی بووە دەگۆڕێت.

جۆرەکانی شێرپەنجەی گوێ ئەمانەن:-

یەكەم-شێرپەنجەی گوێی دەرەکی، شێرپەنجەی پێست دەگرێتەوە، کە کاریگەری لەسەر گوێی دەرەوە هەیە، وەکو شێرپەنجەی خانە بنەڕەتییەکان و شێرپەنجەی.

دووەم- شێرپەنجەی گوێی ناوەڕاست و ناوەوەی گوێ، ئەم جۆرە کەمترە، و ئەو گرێیانە دەگرێتەوە کە لە شانەکانی ناو گوێی ناوەڕاست یان ناوەوەی گوێدا سەرهەڵدەدەن.

نیشانەکانی شێرپەنجەی گوێ چین؟

گوێی دەرەوە:

دەرکەوتنی گرێ یان برینی گوێ کە چاک نابێتەوە
دەردانی خوێناوی یان چڵکدار لە گوێچکە
ئازاری گوێ
▫گوێی ناوەڕاست:

لەدەستدانی بیستن
زەنگی گوێ
سەرگێژخواردن
دەردراوی بەردەوام لە گوێچکە

هۆکار و مەترسی:

هەرچەندە هۆکاری وردی شێرپەنجەی گوێ نەزانراوە، بەڵام هەندێک هۆکار هەن کە ئەگەری تووشبوون بەو شێرپەنجەیە زیاد دەکەن، لەوانە:

زۆر بەرکەوتنی تیشکی خۆر: ئەگەری تووشبوون بە شێرپەنجەی پێست لەسەر گوێی دەرەوەی زیاد دەکات
هۆکارە بۆماوەییەکان: لەوانەیە ڕۆڵیان هەبێت لە زیادکردنی ئەگەری تووشبوون

بەرکەوتن بە تیشک یان ماددە کیمیاییە زیانبەخشەکان
چارەسەر:

چارەسەرکردن بەندە بە جۆر و قەبارە و شوێنی شێرپەنجەکەوە و لەوانەیە بریتی بێت لە:

نەشتەرگەری: بۆ لابردنی وەرەمەکە و شانەکانی دەوروبەری
چارەسەری تیشکی: بۆ نەهێشتنی مانەوەی خانە شێرپەنجەییەکان یان لەو حاڵەتانەی کە نەشتەرگەری ناتوانرێت ئەنجام بدرێت
چارەسەری کیمیایی: لە هەندێک حاڵەتی پێشکەوتوو یان کاتێک شێرپەنجە بڵاوبووەتەوە بەکاردێت.