چەند هەنگاوێکی سادە بۆ پاراستنی گورچیلەکان

 پسپۆڕی نەخۆشییەکانی گورچیلە و چاندنی گورچیلە دەڵێت، چەند هەنگاوێکی سادە بۆ پاراستنی تەندرووستی گورچیلەکانتان بگرنە بەر لەوانەش، خواردنی تەندرووست بخۆن بەجۆرێک سەوزە و میوە بەشێکی سەرەکی بێت یان ئاو خواردنەوە بە نزیکی هەشت پەرداخی ڕۆژانە بۆ کەسێکی ئاسایی.

د.مەلەک حسێن پزیشکی پسپۆڕی نەخۆشییەکانی گورچیلە و چاندنی گورچیلە لە نووسینێكدا ئاماژە بە چەند هەنگاوێك دەكات بۆ پاراستنی تەندرووستی گورچیلەكانمان .

دەقی نووسینەكەی :-

چەند هەنگاوێکی سادە بۆ پاراستنی تەندرووستی گورچیلەکانمان:-

یەكەم- خواردنی تەندرووست بخۆن بەجۆرێک سەوزە و میوە بەشێکی سەرەکی بێت.

دووەم- جوڵەی ڕۆژانە و وەرزشكردن لە هەفتەیەکدا ١٥٠ خولەک.

سێیەم- وازهێنان لە جگەرە و نێرگەلە و هاوشێوەکانی.

چوارەم- ئاو خوارنەوە بە نزیکی هەشت پەرداخی ڕۆژانە بۆ کەسێکی ئاسایی.

پێنجەم- کێش ڕێکی

شەشەم- چاودێریکردنی زەخت و شەکرە و زوو دەسنیشانکردنی.