سیلیۆم چییە و بۆچی بەكاردێت؟

سیلیۆم جۆرێكی ڕیشاڵی زۆر بەسوودە لە تۆی ( پلانتۆ ئۆڤاتا ) وەرگیراوە ئەم گیایە بە شێوەیەکی سەرەکی لە هیندستان دەچێنرێت لە زۆرینەی وڵاتان وەك تەواوكەری خۆراكی بەكاریدەهێنن، دەشڵێت،لە ئێستادا زیاتر لە سیستمە خۆراكییەكان بەكاردێت وەك كیتۆ و لۆ كارب بۆ درووستكردنی نانی بادەم كونجی.

دكتۆر دیار محەمەد پسپۆڕی بواری خۆراك لە نووسینێكدا چەند زانیارییەك دەربارەی سیلیۆم دەخاتەڕوو دەقی نووسینەكەی:-

سیلیۆم جۆرێكی ڕیشاڵی زۆر بەسوودە لە تۆی ( پلانتۆ ئۆڤاتا ) وەرگیراوە ئەم گیایە بە شێوەیەکی سەرەکی لە هیندستان دەچێنرێت لە زۆرینەی ووڵاتان وەك تەواوكەری خۆراكی بەكاریدەهێنن لە ئێستادا زیاتر لە سیستمە خۆراكییەكان بەكاردێت وەك كیتۆ و لۆ كارب بۆ درووستكردنی نانی بادەم كونجی و …هتد بەكاردێت، چونكە سیلیۆم ئاو هەڵكێشێكی زۆر باشە و بە نزیكی ڕۆڵی خومرە دەبینێت بۆ درووستكردنی نانی بادەم زۆر جوان نانەكە خۆی دەگرێت مەرج نییە تەنها بادەم بێت دەتوانن بە كونجی یان جۆزهند یان نیسك تاقیبكەنەوە و هەرزانتریش ڕادەوەستێت.

چەندی لێ بخورێت ؟

 بەپێی توێژینەوەكان ڕۆژانە نابێت لە ٥-١٤ گرام زیاتر بێت و باشترینشی ٧ گرامە واتە تا ٧ گرام زۆر باشە بەكاربهێنرێت.

ئەوەی گرنگە سوودەكانی ئەم ڕووەكەیە كە ئەمانەن:-

١- باشترین چارەسەرە بۆ كەسی قەبز

٢- ڕێكخستنی شەكرەی لەش بەتایبەت جۆری دووەم

٣- باشتركردنی سیستمی هەرس

٤- بەرزكردنەوەی تەندرووستی دڵ

٥- دابەزینی ئاستی چەوری خراپی خوێن

٦- دابەزینی كۆلیسترۆڵی خوێن

٧- دابەزینی چەوری سیانی  چەوری جگەر

٨- دابەزینی كێشی لەش

٩- سووكکردنی سكچون

١٠- ڕێكخستنی بەرزە پەستانی خوێن

تێبینی، بەبێ ڕاوێژكردن بەكاری مەهێنن، چونكە لە ئێستادا لە زۆرێك لە رجیمەكان بۆ تێكەڵ كردنی ئاردی بادەم و كونجی …هتد بۆ درووستكردنی نان و بابەتی هەویر و كێك و شیرینیەكان بەكار دەهێنێرێت و لەگەڵ ئەو هەموو سوودەی سەرەوە ڕەنگە ئەم كاریگەریانەشی هەبێت:-

كاریگەریە لاوەكییەكانی

١- هەندێ جار سك ئێشە

٢- هێڵنج و ڕشانەوە

٣- غازات

٤- ئاوسانی گەدە

٥- خوێن بەربوونی كۆم

٦- هەستیاریی