هۆگر فاتح رەسول چەند بەرهەمێکی نوێ بڵاودەکاتەوە

2025-03-14  438 جار خوێنراوەتەوە

هۆگر فاتح رەسول برای هونەرمەند ئاراس کۆیە (ئاراس خەپەگیان) پاش دابرانێکی زۆر ماوەیەکە دەستی بە کاری هونەری کردۆتەوە بە داهێنانو دامەزراندنی ئاوازو گۆرانی نۆێ و بڵاویان دەکاتەوە.

هونەرمەند هۆگر ساڵانێکی زۆرە لە وڵاتی سوێد نیشتە جێیە. خۆی ئەندازیارە و دکتۆرای هەیە لە بواری دیزاینی سیستەمی ئۆتۆماتیکی و کۆنتڕۆڵکردن ( Automation and control systems design)

ئەو هەر لە منداڵیەوە خولیای موسیقایە و بەردەوام کاری لەگەل مۆسیقا و گۆرانی کوردی کردوە. 

زۆربەی ئاواز و گۆرانیەکانی هونەرمەند هۆگر دەربارەی خۆشەویستیە بو کوردستان. یەکێک لەوانە گۆرانی/سرودی «کوردستانی من» کە ئاراسی برای پێش چەند ساڵێک کردی بە کورتە فلیمی «کوردستانی من» و بە شێوازێکی نوێ سرودەکەی پێشکەش کرد.

هونەرمەند هۆگر لە سال ١٩٩٩ یەکەم ئەلبومی خۆی تۆمار دەکات بە ناوی «دڵدار» کە لە حەوت گۆرانی پێکهاتبو، لە مانە: کوردستانی من (سەرکزناکەم)؛ سەربازی ون؛ خۆشمدەوێ وڵاتەکەم؛ هەلەبجە؛ نازدار؛ کچێک وەک فریشتە؛  دڵدارەکەم.

هەمو ئاوازەکان و هەندێک لە تێکستی گۆرانیەکانی ئەم ئەلبومە ئی هونەرمەند خۆیوتی.

پاش ئەو هەمو ساڵە ئێستا سەر لە نوێ یەک دوای یەک چەند بەرهەمەی نوێی بڵاو کردۆتەوەو  پێشکەشی خەلکی کوردستان و کوردستانیانی هەندەرانی کردوە. 
لەمانە:

- «ئاشتی» کە پێشکەشی هەمو پێشمەرگەو شەرڤانان و هەمو تێکۆشەرانو داکوکیکارانی ئازادی دەکات:
https://youtu.be/nvCiRmwAdpk?feature=shared

- «نیشتیمانی دایک»
پێشکەشی هەمو کوردستانیانی ناوەوە و هەندەران دەکات:
https://youtu.be/DtWlD0FipIA?feature=shared

- «خەونەکانم»
پێشکەش بە هەموو هەواداران
https://youtu.be/AWGnLtjm79U?feature=shared

ـ «دڵدارەکەم»
https://youtu.be/hiWl2f8PTQE?feature=shared

ئێستاش هونەرمەند هۆگر کار لە سەر چەند بەرهەمی تری نوێ دەکات و لەم زوانە پێشکەشی هەوادارانو خەڵکی کوردستان دەکات.


   ئەمانەش بخوێنەرەوە