ئهمریكا داوایەک ئاراستەی لایهنهكانی ههرێم دهكات
3 کاتژمێر پێش ئێستا
23 جار خوێنراوەتەوە
نێچیرڤان بارزانى، سهرۆكی ههرێمی كوردستان و گویندهلن گرین، کونسوڵی گشتیی ئەمریکا لە هەرێمی کوردستان كۆبونهوه و جەختیان لە گرنگیی لێکگەیشتن و هاریکاریی نێوان لایەنە سیاسییەکان کردەوە بۆ سەرخستنی پرۆسەی سیاسی.
سهرۆكایهتی ههرێمی كوردستان ئهمڕۆ دوشهممه بڵاویكردهوه، نێچیرڤان بارزانى گویندهلن گرین، کونسوڵی گشتیی ئەمهریکا لە هەرێمی کوردستان كۆبونهوه و لە دیدارێکدا، دۆخی سیاسیی هەرێمی کوردستان و هەنگاوەکان بۆ پێکهێنانی کابینەی نوێی حکومەتی هەرێمی کوردستان تاوتوێ کران.
ئاماژهی بهوهشكردوه، هەردولا جەختیان لە گرنگیی لێکگەیشتن و هاریکاریی نێوان لایەنە سیاسییەکان کردەوە بۆ سەرخستنی پڕۆسەی سیاسی.
بهگوێرهی راگهیهندراوهكه، له كۆبونهوهكه پەیوەندییەکانی هەولێر و بەغدا و دوایین پێشهاتەکانی پڕۆسەی سیاسی لە عێراق بۆ هەڵبژاردنی سەرۆک کۆمار و پێکهێنانی حکومەتی نوێی فیدراڵ خرانە بەرباس، هەردوولا هاوڕابون لهسهر گرنگیی سهرخستنی پڕۆسهی سیاسی و پاراستنی سەقامگیریی سیاسی له وڵات.
|