دۆناڵد ترەمپ و ئەحمەد شەرع لە سعودیە کۆدەبنەوە
22 کاتژمێر پێش ئێستا
187 جار خوێنراوەتەوە
میدیاکانی سوریا هەواڵی کۆبوونەوەی چاوەڕوانکراوی دۆناڵد ترەمپ و ئەحمەد شەرع سەرۆکی سوریایان بڵاوکردەوە
هەر لەوبارەیەوە میدیاكانی ئیسرائیل بڵاویانكرده‌وه، محه‌مه‌د بن سه‌لمان شازاده‌ی جێنشینی سعودیه له میانی سه‌ردانه‌كه‌ی دۆناڵد تره‌مپ سه‌رۆكی ئه‌مریكا بۆ سعودیه پلانی بۆ ئه‌نجامدانی سوپرایزێكی سیاسی هه‌یه.
سه‌رچاوه‌یه‌كی سوری به ماڵپه‌ڕی ئیسرائیلی i24NEWS ی ڕاگه‌یاند، محه‌مه‌د بن سه‌لمان دیدارێكی نێوان تره‌مپ و ئه‌حمه‌د شه‌رع سه‌رۆكی سوریای ڕێكخستوه له سه‌ردانه‌كه‌ی تره‌مپ بۆ سعودیه له ناوه‌ڕاستی مانگی (ئایار/5)دا.
تا ئێستا نه سوریا و نه سعودیه وه‌ڵامی فه‌رمییان سه‌باره‌ت به ڕێكخستنی كۆبونه‌وه‌ی نێوان تره‌مپ و شه‌رع نه‌داوه‌ته‌وه، و به‌رپرسانی كۆشكی سپیش باسیان له كۆبونه‌وه‌یه‌كی له‌و شێوه‌یه نه‌كردوه.
له سه‌ره‌تای ئه‌م هه‌فته‌یه‌دا كۆشكی سپی پلانه‌كانی تره‌مپی بۆ سه‌ردانی سعودیه و وڵاتانی دیكه‌ی ڕۆژهه‌ڵاتی ناوه‌ڕاست له مانگی ئایاردا ڕاگه‌یاند.
كارۆلین لیڤیت، سكرتێری ڕۆژنامه‌وانی كۆشكی سپی وتی، "سه‌رۆك كۆمار له مانگی ئایاردا سه‌ردانی سعودیه ده‌كات، به زوترین كاتیش رۆژ و ورده‌كاری تایبه‌ت له‌وباره‌یه‌وه ده‌خه‌نه‌ڕو".
دیمیتری پێسكۆڤ وته‌بێژی سه‌رۆكایه‌تی ڕوسیا ڕایگه‌یاند، پلانه‌كانی دۆناڵد تره‌مپ سه‌رۆكی ئه‌مریكا بۆ گه‌شتكردن بۆ سعودیه له مانگی ئایاری داهاتو هیچ په‌یوه‌ندییه‌كی به ڤلادمیر پوتن سه‌رۆكی ڕوسیاوه نییه.
|