مەسرور بارزانی هۆکاری گرانبوونی بەنزین ئاشکرا دەکات

مەسرور بارزانی، سەرۆکوەزیرانی هەرێمی کوردستان رایگەیاند، هێشتا گرژییەکانی ناوچەکە کۆتایی نەهاتووە، ئەمەش کاریگەری لەسەر ژیانی خەڵک دروستکردووە.

سەرۆکوەزیرانی هەرێمی کوردستان سوپاسی خەڵکی کوردستانی کرد و وتی، "خەڵکی خۆمان دڵنیا دەکەینەوە قەیرانی زۆر گەورەتمان تێپەڕاندووە و ئەمە قەیرانەش تێدەپەڕێنین". 

♦️♦️مەسرور بارزانی سەرۆکی حکومەتی هەرێمی کوردستان:

هۆکاری گرانبوونی نرخی بەنزین دۆخی ئەمنی ناوچەکەیە.

داوام لە وەزارەتی سامانە سرووشتییەکان کردووە پێداچوونەوە بە نرخی بەنزیندا بکەن.

بەنزینی نۆرماڵی حکومی 750 دینار  و نۆرماڵی بازرگانی 850 دینار دەبێت.

حکومەتی عێراق لەو بودجەیەی تەرخانیکردووە بۆ پاڵپشتی دەرهێنانی نەوت پشکی کوردستان نادات.

پشکی هەرێمی کوردستان بەپێی ڕێژەی دانیشتووان زیاتر لە 126 هەزار و 700 بەرمیلە.

ئێمە داوامان لە بەغدا کردوە، پشکی هەرێمی کوردستان لە سووتەمەنی دابین بکات، رۆژانە 50 هەزار بەرمیل نەوت بۆ پێداویستییەکانی ناوخۆ دابین دەکرێت و داوا دەکەین 70 هەزار بەرمیلەکەی دیکەش لە لایەن حکومەتی فیدراڵەوە وەک پشکی هەرێمی کوردستان، دابین بکرێت".