بەردی لەوزەتێن چییە و چی لەبارەیەوە دەزانی؟

بەردی لەوزەتێن (یان بەردی ئاڵووەکان کە بە انگلیسی پێی دەوترێت Tonsil Stones یان Tonsilloliths) بریتییە لە پێکهاتەیەکی ڕەق یان نەرمۆکەی بچووک کە لەسەر یان لە ناو چاڵ و قووڵاییەکانی لەوزەتێنەکاندا دروست دەبێت.

بەرد لەوزەتێن چۆن دروست دەبێت؟

لەوزەتێنەکان چەند چاڵ و درزێکی سروشتیان تێدایە. کاتێک پاشماوەی وردە خۆراک، خانە مردووەکان، بەکتریا و لیک لەو چاڵانەدا کۆدەبنەوە و بۆ ماوەیەک دەمێننەوە، تێکەڵ دەبن و ڕەق دەبن، بەمەش بەردی لەوزەتێن پێکدێن. ئەم پاشماوەیە زۆر جار ڕەنگێکی سپی یان زەردباوی هەیە.

نیشانەکانی بوونی بەردی لەوزەتێن:

بۆنی ناخۆشی دەم: ئەمە یەکێکە لە دیارترین نیشانەکان بەهۆی کۆبوونەوەی بەکتریا و ماددەکانەوە.

پەیدابوونی خاڵی سپی یان زەرد: دەکرێت لەسەر لەوزەتێنەکان بە چاو بینرێن.

ئازار یان هەستکردن بە بوونی شتێک لە قوڕگدا: کاتێک قوت دەدەیت هەستی پێ دەکرێت.

هەوکردنی درێژخایەنی لەوزەتێن یان هەستکردن بە قورسایی لە قوڕگدا.


چارەسەر و خۆپاراستن لە بەردی لەوزەتێن:

* شوشتنی بەردەوامی دەم و ددان و بەکارهێنانی دەمپاککەرەوە (Mouthwash).

* غەرغەرەکردن بە ئاو و خوێی شلە بۆ خاوێنکردنەوەی قوڕگ.

* لە حاڵەتە قورس یان دووبارەبووەوەکاندا، پزیشکی پسپۆڕ ڕەنگە چارەسەری پێویست بگرێتەبەر یان لە هه‌ندێک باردا پێویست بکات لەوزەتێنەکان بهێنرێنە دەرەوە.