هێمن هەورامی: هیچ بیانوویەک نەماوە بۆ کارا نەبوونی پەرلەمان

هێمن هەورامی ئەندامی مەكتەبی سیاسی پارتی دیموكراتی كوردستان دەڵێت: هیچ بیانویەکی سیاسی و یاسایی و نیشتیمانی نەماوە بۆ کارا نەبوونی پەرلەمان و هەمووان لەبەردەم بەرپرسیارێتی و تاقیکردنەوەیەکی یەکلاکەرەوەی پاراستنی قەوارەی هەرێمی کوردستاندان

هێمن هەورامی لە راگەیەندراوێكیدا لەدوای  كۆبوونەوەی لەگەڵ کونسولی ژاپۆن هیتۆشی ئیشیزوکا و بەرپرسی کاروباری سیاسی باڵێۆزخانەی ژاپۆن لە عێراق تۆمۆهیرۆ ماتسوشیما ومایوکی نیشیمورا لەبەشی سیاسی و خاتوو لویسیا راوێژکاری سیاسی هێزەکانی ئەڵمانیا لە عێراق و هەرێمی کوردستان دەڵێت:

دوای ۲٠ مانگ لە ئەنجامدانی هەڵبژاردنەکانی پەرلەمانی کوردستان، پارتی وەک هێزی براوەی یەکەم هەموو هەوڵێکداوە تا بە دیداری دوو قۆڵی و چەند قۆڵی و پەیام و راگەیەندراو و لیژنەی گفتوگۆ، رێککەوتن ئەنجام بدرێ و پەرلەمان کارا بێت و ئەرکە دەستوریی ویاساییەکانی جێبەجێ بکات. هەموو ئەو ریگری و کاتکوشتنانەمان روونکردەوە لەگەل ئەو ئاستەنگانەی لەو ماوەیەدا دروستکران بۆ بە لارێدا بردن و نادیدە گرتنی بەرئەنجامی هەلبژاردنەکان.

بۆ پاراستنی قەوارەی دەستوری هەرێم و دیموکراسیەت و رێزگرتن لەبەشداری سیاسی دەنگدەران و سەرپێخستنەوەی دامەزراوەکان، سەرجەم لایەنە سیاسیەکان کە نوینەریان لە پەرلەمان هەیە لەبەردەم بەرپرسیارێتی و تاقیکردنەوەیەکی گرنگی سیاسی ویاسایی و نیشتیمانیدان بۆ کاراکردنی پەرلەمان و جێبەجی کردنی هەنگاوە دەستوری و یاساییەکان.

وەک پارتی دیموکراتی کوردستان ئامادەییمان هەیە بەشداری لە دانیشتنی پەرلەمان بکەین و ئەگەر هەر لایەکی دیکە بە هەرجۆرە ریککەوتنی زیندان یان رێککاری دیکە خۆی پێ زۆرینە یان هاوشانی کورسییەکانی پارتیە با بفەرموون بێن لە ناو پەرلەمانێکی کارادا درێژە بە گفتوگۆ سیاسیەکان بۆ هەنگاوەکانی دواتر بنێین ،بەدەر لەمە خۆدزینەوەیە لە بەرپرسیاریتی و نادیدەگرتنی دەنگی دەنگدەران و بە بارمتە گرتنی پەرلەمانی کوردستانە.جخزشآسز