دەستەی مافی مرۆڤ: تەقەكەرانی ڕوداوەکەی گوندی لاجان بدۆزرێنەوە
4 کاتژمێر پێش ئێستا
17 جار خوێنراوەتەوە
دەستەی سەربەخۆی مافی مرۆڤی هەرێمی كوردستان، سەركۆنەی توندوتیژی و بەكارهێنانی چەك دەكات و لەبارەی ڕوداوەكەی ڕوداوەکەی گوندی لاجانەوە دەڵێت، "لێکۆڵینەوە بەردەوامە و بەڵگەکان کۆکراونەتەوە بۆ دۆزینەوەی ئەو کەسانەی تەقەیان کردوە و ئاماژەیان بەوەداوە هەرکەسێک تەقەیکردبێ ڕێکاری یاسایی بەرامبەر ئەنجامدەدرێت".
دەستەی سەربەخۆی مافی مرۆڤی كوردستان ئەمڕۆ یەكشەممە لە ڕاگەیەندراوێكدا بڵاویكردەوە، ڕۆژی شەممە دوای ئەنجامدانی گردبونەوەی ژمارەیەک خەڵکی گوندی لاجان لەسنوری شاری هەولێر لەبەردەم کۆمپانیای لاناز كە ڕێگەیان گرتبو بۆ پێشکەشکردنی چەند داواکاریەک. بەداخەوە توندوتیژی و تەقەی لێکەوتەوە و بوە هۆی کوژرانی گەنجێک و برینداربونی چەند کەسێکی تر لە خەڵکەکە و پاسەوانانی کۆمپانیاکە، هەروەها توندوتیژی بەرامبەر چەند کەناڵێک و ڕۆژنامەنوسێک بەکارهاتوە.
ئاماژەی بەوەشكرد، دەستەكە سەركۆنەی هەر جۆرە توندوتیژیەک دەکات کە ببێتە هۆی بەکارهێنانی چەک و کوشتنی لێ بکەوێتەوە. بۆ ئەو مەبەستەش تیمێکی تایبەتیان چوەتە شوێنی ڕوداوەکە و لەوێ لەگەڵ چەند کەسێکی مەدەنی گفتوگۆیان کرد لەسەر ڕوداوەکە. هەروەها دوا گفتوگۆ لەگەڵ لایەنە ئەمنیەكانیش بۆیان دەرکەوت کە لێکۆڵینەوە بەردەوامە و بەڵگەکان کۆکراونەتەوە بۆ دۆزینەوەی ئەو کەسانەی تەقەیان کردوە و ئاماژەیان بەوەداوە هەرکەسێک تەقەیکردبێ ڕێکاری یاسایی بەرامبەر ئەنجامدەدرێت.
دەستەكە، پشتیوانی لەگردبونەوەکان دەکات دور لەتوندوتیژی و بەکارهێنانی چەک. هەروەها دڵنیایی دەكات كە بەردەوام دەبن لە چاودێریکردنی کەیسەكە و دەرەنجامی لێکۆڵینەوەکان و پێویستە تەقەکەران و تۆمەتباران بەزویی بدۆزرێنەوە بدرێنە.
نیوەڕۆی دوێنێ شه‌ممه له گوندی لاجان-ی نزیك گوێر له سنوری پارێزگای هه‌ولێر شه‌ڕ له نێوان خه‌ڵكی ناڕازیی و هێزه ئه‌منیه‌كان ڕویدا ژمارەیەك قوربانی لێكەوتەوە، كە دواتر هێزێكی زۆری ئەمنی ڕەوانەی ناوچەكە كرا.
هەروەها دوو ڕۆژ لەمەوبەریش دانیشتوانی گونده‌كانی ده‌وروبه‌ری گونده‌كانی هه‌ولێر خۆپیشاندانیان ده‌ستپێكرد و داوایانكرد ئه‌و پاڵاوگه نایاساییانه دابخرێن یاخود ئه‌و كه‌سانه‌ی له‌وێ كارده‌كه‌ن خه‌ڵكی گونده‌كان بن و دایانبمه‌زرێنن.
|