‌هۆکارەکانی برینی گەدە چین ؟

زۆرێک لەو نەخۆشانەی کە برینی گەدەیان هەیە دووچاری ئازاری بەردەوامی بەشی سەرەوەی گەدە دەبن کە لەگەڵ خواردن خراپتر دەبێت، هەندێکجار دەبێتە هۆی دابەزینی  کێش، هەندێکجاریش ڕشانەوە و خوێنبەربوون لە کۆئەندامی سەرەوەی گەدە و ڕیخۆڵەدا دروستدەبێت.

د.شێروان عبدالله پسپۆڕی نەخۆشییەکانی هەرس و جگەر و هەناوبینی باس لە سەرەکیترین هۆکارەکانی ئەم حاڵەتە دەکات و ڕێگاکانی دەستنیشانکردن دەخاتەڕوو.

- هۆکارەکانی برینی گەدە زۆرن، وەک:

1- زۆر بەکارهێنانی ئازارشکێنەکان.
2- بەکتریایی گەدە.
3- حەبی ئەسپرین. 
4- گرێی پاک یان شێرپەنجەی.

- ئەم حاڵەتە بە هەناوبینی گەدە دەستنیشاندەکرێت.

- برینی گەدە بە لابردنی هۆکارەکەی و وەرگرتنی  چارەسەری تایبەت  چارەسەر دەکرێت.

- کاریگەریەکانی  برینی گەدە بریتین لە خوێنبەربوون، گیرانی دەرچەی گەدە و سورێنچک  و هتر.

- ئەو هۆکارانەی کە ئەگەری تووشبوون بە برینی گەدە زیاد دەکەن بریتین لە جگەرەکێشان و خواردنەوە کحولیەکان و زیادەڕەوی لە بەکارهێنانی دەرمان بەبێ ڕەچەتەی پزیشک.

- ئامۆژگاری بۆ هەموو ئەو نەخۆشانەی کە تووشی ئەم نیشانانە دەبن: هەناوبینی  گەدە بۆ دەستنیشانکردن و چارەسەرکردنی ئەنجام بدەن.