چەند زانیارییەكی گرنگ دەربارەی لەوزەتێن..

ناوەندی پزیشكی شیفا بڵاویكردەوە، لەوزەتێن بریتییە لەدوو گرێی لیمفاوی، كە دەكەونە هەردوو لای قوڕگ و بەرگریكاری یەكەمن لەتوشبوون بە بەكتریا و ڤایرۆس و بەهۆی كۆمەڵێك هۆكاری جیاجیاوە تووشی هەوكردن و هەڵاوسان دەبن و پێویست دەكات چارەسەر بكرێت.

ناوەندی پزیشكی شیفای عەربەت لەبارەی لەوەزەتێن نوسینێکی بلاوكردەوە:-

لەوزەتێن بریتیە لەدوو گرێی لیمفاوی، كە دەكەونە هەردوو لای قوڕگ و بەرگریكاری یەكەمن لەتوشبوون بە بەكتریا و ڤایرۆس و بەهۆی كۆمەڵێك هۆكاری جیاجیاوە تووشی هەوكردن و هەڵاوسان دەبن و پێویست دەكات چارەسەر بكرێت.

جۆرەكانی هەوكردنی لەوزەتێن ئەمانەن:-

یەكەم-هەوكردنی توندی لەوزەتێن: نیشانەكانی دەمێنێتەوە لەماوەی نێوان سێ بۆ چوار رۆژ تاوەكو دوو هەفتە.

دووەم- هەوكردنی دووبارەی لەوزەتێن، نەخۆش لەماوەی ساڵێكدا چەند جارێك تووشی دەبێت.

سێیەم- هەوكردنی بەردەوامی لەوزەتێن، نەخۆشەكە بەردەوام نیشانەكانی دەبێت وەكو هەوكردنی گەروو و لەوزەتێنەكان و بۆنی ناخۆشی دەم.

نیشانەكانی هەوكردنی لەوزەتێن ئەمانەن:-

یەكەم- هەڵئاوسانی لەوزەتێن و دەركەوتنی پەڵەی سپی و زەرد لەسەر لەوزەتێنەكان.

دووەم- ئاستەنگی لە قوتدانی خواردن و بۆنی ناخۆشی دەم.

سێیەم- بەرزبوونەوەی پلەی گەرمی لەش و تەنگە نەفەسی.

چوارەم- گۆڕانكاریی لەدەنگ بەهۆی هەوكردنی لەوزەتێنەكان.

پێنجەم- هەڵئاوسانی لیمفە گرێكان بەتایبەت لە ناوچەی مل و قورگ