پارتی کاندیدانی پەرلەمانی عێراق و کابینەی دەیەم دیاری دەکات

پارتی دیموکراتی کوردستان دەستی بە کۆکردنەوەی سیڤی کردووە بۆ پڕکردنەوەی ئەو پۆستانەی لە کابینەی داهاتووی حکومەتدا بەریدەکەون.
 
بەپێی زانیارییەکانی میدیای پارتی ، لەنێو ئۆرگانەکانی پارتی دیموکراتی کوردستانەوە، کادیرانی حیزبەکە سیڤی دەنێرین بۆ وەرگرتنی ئەو پۆستانەی لە کابینەی دەیەمدا پشکی حیزبەکەیان دەبێت.
 
میدیاکانی پارتی ئەوەشیان بڵاوکردۆتەوە، پارتی لیژنەیەکی بۆ وەرگرتنی سیڤییەکان پێکهێناوە کە پشتیوان سادق ئەندامی مەکتەبی سیاسی پارتی وەکو "سەرۆکی کوتلەی وەزاریی زەرد" سەرۆکایەتیی دەکات.
 
ئەمە لە کاتێکدایە، مەکتەبی رێکخستنی پارتی بە نووسراوێک داوای لە لق و ئۆرگانەکان کردووە، ناوی ئەو کەسانە بنێرن کە کاندیدیان دەکەن بۆ پەرلەمانی عێراق.
 
بڕیارە رۆژی 11-11-2025 هەڵبژاردنی پەرلەمانی عێراق بەڕێوەبچێت.