مەسرور بارزانی: کورد دۆستایەتی لیندسی گراهام لە بیر ناکات
41 خولەک پێش ئێستا
19 جار خوێنراوەتەوە
مەسرور بارزانی، سەرۆکی حکوومەتی هەرێمی کوردستان بۆ کۆچی دوایی سیناتۆر لیندسی گراهام پەیامێکی بڵاوکردەوە و رایگەیاند، گەلی کوردستان هەمیشە دۆستایەتی و پاڵپشتی ئەویان لەبیرە.
مەسرور بارزانی، لە پەیامەکەیدا کەلە سەکۆی ئێکس بڵاویکردووەتەوە دەڵێت، “بە خەم و پەژارەیەکی قووڵەوە زانیم کۆچی دوایی سیناتۆر لیندزی گراهام. لە دڵەوە سەرەخۆشی لە بنەماڵەکەی و ئازیزانی و سەرکردایەتی و ئەندامانی ئەنجوومەنی پیرانی ئەمریکا دەکەم”.
دەشڵێت: “گەلی کوردستان هەمیشە دۆستایەتی و پاڵپشتی ئەویان لەبیرە”.
ئەمڕۆ یەکشەممە، نووسینگەی لیندزی گراهام، سیناتۆری پارتی کۆمارییەکان لە ویلایەتی کارۆلاینای باشوور، لە راگەیەنراوێکدا ئاماژەی بەوە کردووە، ئێوارەی رۆژی شەممە، 11ی تەممووز، سیناتۆر گراهام بەهۆی نەخۆشییەکی کورت و کتوپڕەوە، لە تەمەنی 71 ساڵیدا کۆچی دوایی کرد.
|