كه‌شناسی هه‌رێم: پله‌كانی گه‌رما رو له‌به‌رزبونه‌وه‌ ده‌كه‌ن

به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی هه‌رێمی كوردستان رایگه‌یاند، ئه‌مڕۆ كه‌شوهه‌وای ناوچه‌ جیاجیاكانی هه‌رێم ساماڵ ده‌بێت و پله‌كانی گه‌رماش رو له‌به‌رزبونه‌وه‌ ده‌كه‌ن.

به‌گوێره‌ی پێشبینییه‌كانی به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی، ئه‌مڕۆ شه‌ممه‌ كه‌شی ناوچه‌ جیاجیاكانی هه‌رێم به‌ گشتی ئاسمان ساماڵ ده‌بێت له‌گه‌ڵ دروستبونی هه‌ندێك په‌ڵه‌ هه‌وری جیا جیا، پله‌كانی گه‌رماش به‌ڕێژه‌ی 2-3 پله‌ی سیلیزی به‌رزترده‌بنه‌وه‌ به‌رارود به‌تۆماركراوه‌كانی دوێنێ.

ئاماژه‌ی به‌وه‌شكردوه‌، سبه‌ی یه‌كشه‌ممه‌ به‌هه‌مانشێوه‌ی ئه‌مڕۆ كه‌شی ناوچه‌كه‌مان جێگیره‌ و ئاسمان ساماڵ ده‌بێت له‌گه‌ڵ بونی هه‌ندێ په‌ڵه‌ هه‌وری جیا جیا، پله‌كانی گه‌رماش جارێكی دیكه‌ و به‌ڕێژه‌ی 1-2 پله‌ی سیلیزی به‌رزده‌بنه‌وه‌.

به‌رزترین پله‌كانی گه‌رمای پێشبینیكراو به‌ پله‌ی سیلیزی

هه‌ولێر: 30 پله‌ی سیلیزی 
پیرمام: 26 پله‌ی سیلیزی
سۆران: 27 پله‌ی سیلیزی 
حاجی ئۆمه‌ران: 19 پله‌ی سیلیزی 
سلێمانی: 28 پله‌ی سیلیزی
چه‌مچه‌ماڵ: 30 پله‌ی سیلیزی
دهۆك: 29 پله‌ی سیلیزی
زاخۆ: 30 پله‌ی سیلیزی 
هه‌ڵه‌بجه‌: 29 پله‌ی سیلیزی
گه‌رمیان: 33 پله‌ی سیلیزی