دکتۆر هێمن مەحمود پسپۆڕى نەخۆشییەکانی جومگە و ئێسک و رۆماتیزم دەڵێت، نەرمی جومگەکان BHS یەکێکە لە هۆکارە بەربڵاوەکانی ئازاری جومگە و ئێسک و ماسولکەکان لە گەنجان و مناڵاندا، دەشڵێت، حاڵەتەکە زیاتر لە کچاندا دەردەکەوێت لە تەمەنی منداڵی و گەنجیدا.

نەرمى جومگە چییە؟

نەرمی جومگەکان BHS یەکێکە لە هۆکارە بەربڵاوەکانی ئازاری جومگە و ئێسک و ماسولکەکان لە گەنجان و مناڵاندا.

نەرمى جومگە دەبێتە هۆى درووستبوونى ئازار لە کام بەشى جەستەدا؟

نەرمی جومگە دەبێتە هۆی ئازار و ناڕەحەتی لە جومگە و ئێسک و ماسولکەکاندا بەتایبەت دوای هیلاکبوون یان وەرزش کردن، نەرمی جومگەکان بەشێک نییە لە هیچ نەخۆشییەکی تری وەک ڕۆماتیزم و سەوەفان هیتر.

نیشانەکانی نەرمى جومگەکان چین؟

ئازار و ناڕەحەتییەکە لە جومگەکانی ئەژنۆ و ئێسکی ران و قاچ و پوزدا دەردەکەوێت زیاتر لە دوای نیوەڕۆ و شەواندا یاخود دوای هیلاکبوونێکی کەم لەوانەیە هەندێکجار ئاوسانێکی کەمی جومگەکانی لەگەڵدا بێت.

نیشانەکانی تری لەوانەیە لە هەندێک کەسدا لەجێچونی جومگە و نەرمی و شلی پێست و دەوالی و فتقی لەگەڵدا بێت.

حاڵەتەکە زیاتر لە کام کەسانەدا دەردەکەوێت؟

زیاتر لە کچاندا دەردەکەوێت لە تەمەنی منداڵی و گەنجیدا.

حاڵەتەکە چۆن دیارى دەکرێت؟

دیاری کردنی نەخۆشییەکە بە پشکنینی کلینیکی دەردەکەوێ لەلایەن پزیشکی پسپۆڕی جومگە و ئێسک و رۆماتیزم هەندێک جار پێویست بە چەند پشکنینێکی خوێن و تیشکی دەکات بۆ ئەوەی دڵنیابینەوە لەوەی کە نەخۆشەکە نەخۆشی تری نیە، بەڵام خۆی ئەم حاڵەتە هەموو پشکنینەکانی خوێن و تیشک پاک دەر دەچێت.

چارەسەرى حاڵەتەکە چۆن دەکرێت؟

یەکەم– ئەنجامدانی وەرزشی سوک بۆ بەهێزکردنی

دووەم– ماسولکەکان دورکەوتنەوە لە وەزشی قورس کە بەرکەوتنی بەهێزی تێدا بێت.

سێیەم– بەکارهێنانی بەستەر و پاڵپشتی جومگەکان

چوارەم– بەکارهێنانی هەندێک جۆر ئازارشکێن و ڕێکردنەوەی ئاستی ڤایتەمین D و کالسیۆم لە خوێندا.

پێنجەم– بەشێک لەم کەسانەی نەرمی جومگەیان هەیە لە تەمەنێکی گەنجتردا توشی سەوەفان و هەوکردنی جومگەکان دەبن لەچاو کەسی ئاسایی.