پەیامی مەسعود بارزانی لەبارەی چەکدانانی پەکەکە
13 کاتژمێر پێش ئێستا
84 جار خوێنراوەتەوە
سەرۆک مەسعود بارزانی لەبارەی پرۆسەی ئاشتی و بڕیاری پەکەکە بۆ خۆهەڵوەشاندنەوە و چەکدانان رایدەگەیێنێت، "جێگەی خۆشحاڵییە" و، "بە هەموو شێوەیەک پشتیوانی لە سەرکەوتنی ئەو پڕۆسەیە دەکەین."
دەقی پەیامی مەسعود بارزانی
بەناوی خودای بەخشندە و میهرەبان
جێگەی خۆشحاڵیە لە پڕۆسەی چارەسەریی ئاشتی لە تورکیا لایەنەکان هەڵوێستی باشیان هەبوو و هەنگاوی ئەرێنی بە ئاراستەی چارەسەری ئاشتیانە نرا. هەروەها پەکەکەش کۆنگرەی خۆی بەست و کۆمەڵێک بڕیاری دەرکرد. ئێمە هیوادارین ئەو پڕۆسەیە بگاتە ئەنجامێکی باش و لە بەرژەوەندی و خێری ناوچەکە و هەموو لایەک بێت. ڕاشیدەگەیێنین بە هەموو شێوەیەک پشتیوانی لە سەرکەوتنی ئەو پڕۆسەیە دەکەین.
مسعود بارزانی
12ی ئایاری 2025
|