بەهۆی تەقینەوەیەک لە هەڵەبجە دوو کەس گیانیان لەدەستدا
1 کاتژمێر پێش ئێستا
39 جار خوێنراوەتەوە
تەقینەوەیەک لە گەوڕێک لە نزیک گوندی کانی ماران لە سنووری هەڵەبجە روویدا. پۆلیس دەڵێ، دوو کەس گیانیان لەدەستداوە.
ئاکام قوتبەدین، وتەبێژی پۆلیسی هەڵەبجە، بە میدیاکانی ڕاگەیاند: "لە تەقینەوەکەدا دوو کەس کەوتوونەتە ژێر دار و بنمیچی گەوڕەکەوە و گیانیان لەدەستداوە".
وتەبێژی پۆلیسی هەڵەبجە ئاماژەی بەوەکرد، نازانن بریندار هەیە یان نا. وتیشی: "تەقینەوەکە بەهۆی گولـلە تۆپەوە بووە، کە دوو کەس دەستکارییان کرووە و پێیاندا تەقیوەتەوە".
ئەو دووکەسەی گیانیان لەدەستداوە هەردووکیان رەگەزی نێرن، یەکێکیان لە دایکبوونی 1990 و ئەوی دیکە لەدایکبووی 1988ـە. وتەبێژی پۆلیس ئەوەشی راگەیاند: "هەردوو تەرمەکە رەوانەی دادپزیکشی کراون".
هێزە ئەمنییەکان چوونەتە شوێنی رووداوەکە و لێکۆڵینەوەیان دەستیپێکردووە.
|