‌لە چ بارێکدا مرۆڤ دووچاری زەردوویی دەبێت ؟

زەردوویی بۆ خۆی لە خۆیدا نەخۆشی نییە بەڵکو نیشانەیە کە ئاماژەیە بۆ نەخۆشییەک لە جەستەدا، هەروەها دەردەکەوێت لە ئەنجامی تێکشکانی خڕۆکە سوورەکانی خوێن و بە شێوەیەکی سەرەکی یەکەم جار سپێنەی چاو زەرد دەبێت.

* هۆکارە باوەکانی زەردوویی ئەمانەن:

1- نەخۆشیەکانی جگەر: هەوکردنی جگەر، یان شێرپەنجەی جگەر.

2- نەخۆشییەکانی خوێن: زیاد لە پێویست خڕۆکە تێکشکانی سوورەکانی خوێن.

3- گیرانی بۆری زراو: بەردی زراو، شێرپەنجەی زراو یان پەنکریاس.

4- زەردوویی تازەلەدایکبوو: لە کۆرپەدا زۆرە، بەو پێیەی جگەریان هێشتا لە گەشەکردندایە و زۆربەی کات مەترسیدار نییە و دوای ماوەیەک نامينێت.


* ئەو نیشانانەی کە لەگەڵ زەردوویی دەردەكەون ئەمانەن:

1- ڕەنگی میز تۆخ دەبێت.

2- ڕەنگی پیسایی کاڵ دەبێتەوە.

3- هیلاکی و ماندوویەتی.

4- ئازاری سک یان ئاوسانی سک.

5- سکچوون یان ڕشانەوە.