مەترسییەكانی گوشتی زیادەی ناو زراو چییە؟

پزیشکێکی پسپۆڕی نەخۆشییەکانی مەمک و غودە دەڵێت: گۆشتی زیادەی ناو زراو بریتییە لە گەشەکردنێک، کە لە ناوپۆشی زراوەوە دەردەکەون، لە کاتێکدا زۆربەیان خاوێن و بێ زیانن، گرنگە ئاگاداری مەترسییە ئەگەرییەکانیان بیت.

د. ھاوار نەقشبەندی، پزیشکی پسپۆڕی نەخۆشییەکانی مەمک و غودە و کۆئەندامی هەرس لە نووسینێكدا لەبارەی مەترسییەكانی گوشتی زیادەی ناو زراو هۆشداری دەدات .

دەقی نوسینەكەی :-

گوشتی زیادەی ناو زراو بریتییە لە گەشەکردنێک، کە لە ناوپۆشی زراوەوە دەردەکەون، لە کاتێکدا زۆربەیان خاوێن و بێ زیانن، گرنگە ئاگاداری مەترسییە ئەگەرییەکانیان بیت.

مەترسییەکانی گوشتی زیادەی زراو:

مەترسی تووشبوون بە شێرپەنجەی زراو

گوشتی زیادەی زراوی گەورەتر لە ١٠ ملم (١ سم) مەترسی زیاتریان هەیە بۆ تووشبوون بە شێرپەنجە.

 گەشەکردنی خێرا یان گوشتی زیادەی گەورە گومانی شێرپەنجەیی زیاد دەکات.

 نیشانەکانی نەخۆشی زراو

 هەرچەندە زۆربەیان بێ نیشانەن، بەڵام هەندێکیان دەتوانن ببنە هۆی:

 ئاوسانی سک

 هێڵنجدان

 ئازاری بەشی سەرەوەی لای ڕاستی سک -بەتایبەت دوای ژەمەکان.

 لەوانەیە ئەم نیشانانە لە بەردی زراو یان هەوکردنی زراو بچێت.

 هەوکردنی درێژخایەن

هەندێک لە گوشتی زیادەی زراو پەیوەندییان بە هەوکردنی درێژخایەنەوە هەیە، کە لەوانەیە بە تێپەڕبوونی کات ئاڵۆزییەکانی لێبکەوێتەوە.