شەڕ لەنێوان یەپەشەو سوپای عێراق روویداو قوربانی هەیە
5 کاتژمێر پێش ئێستا
158 جار خوێنراوەتەوە
لە سەنتەری قەزای شنگال شەڕ لەنێوان هێزەکانی پاراستنی شنگال - یەپەشە و سوپای عێراق روویدا. بەڕێوەبەری نەخۆشخانەی شنگال دەڵێت، 5 سەربازی عێراقی بریندارن.
کەمێک پێش ئێستا لە دووڕیانی یەرمووک، لە سەنتەری قەزای شنگال لەکاتی گەڕان بەدوای تۆمەتبارێکدا، هێزەکانی سوپای عێراق رووبەڕووی هێزێکی یەپەشە بوونەوە، لە ئەنجامدا 5 ئەندامی سوپای عێراق بریندار بوون.
د. لوقمان سوڵتان، بەڕێوەبەری نەخۆشخانەی شنگال بە میدیای پارتی راگەیاند، برینی ئەو 5 ئەندامەی سوپای عێراق سەخت نین و تیمەکانیان سەرقاڵی چارەسەرکردنیانن، هیچ کەسێکیش گیانی لەدەستنەداوە.
لە ماوەی سێ ساڵی رابردوودا، ئەوە جاری سێیەمە شەڕ لەنێوان هێزەکانی یەپەشە و سوپای عێراق روودەدات.
|