نوری مالیکی گەیشتە هەولێر و ئەمریکاش هۆشداری دەدات
2 کاتژمێر پێش ئێستا
146 جار خوێنراوەتەوە
جوڵەکان بۆ پێکهێنانی حکومەتی نوێی عێراق دەستیان پێکرد و نوێنەری تایبەتی دۆناڵد ترەمپیش هۆشداری توند دەداتە بەرپرسانی عێراق و دەڵێت دەستوەردانی دەرەکی لە پێکهێنانی حکومەتی عێراق قبوڵ ناکەین.
نووری مالیکی، سەرۆکی هاوپەیمانیی دەوڵەتی یاسا بەسەرۆکایەتی شاندێکی باڵای چوارچێوەی هەماهەنگی گەیشتە هەولێر و لەگەڵ مەسعود بارزانی لەسەر هەنگاوەکانی پێکهێنانی کابینەی نوێ و سێ سەرۆکایەتییەکانی کۆمار، پەرلەمان و حکومەتی نوێی عیراق گفتوگۆی جدی دەکەن.
هاوکات مارکا ساڤایا نوێنەری تایبەتی ترەمپ بۆ عێراق دەڵێت با روون و ئاشکرا بێت، ئەمریكا هیچ دەستوەردانێكی دەرەكی لە پێكهێنانی حكومەتی نوێی عێرق قبوڵناكات و رێگەی پێنادات.
نوێنەرەکەی ترەمپ ئاماژەی بەوەشکردووە، بەوپەڕی خۆشحاڵییەوە چاوەڕێی سەردانی عێراق دەکەم و لەگەڵ سەرکردە سەرەکییەکان لەبارەی دۆخی عێراق کۆدەبمەوە.
ڕۆژی 17ی مانگی 11، چوارچێوەی هەماهەنگی کۆبووەوە و گەورەترین فراکسیۆنی لە پەرلەمانی عێراق راگەیاند.
لەو کۆبوونەوەیەدا، چوارچێوەیەکە، بە مەبەستی پەلەکردن لە پێکهێنانی حکوومەتی نوێی عێراق، لیژنەیەکی بۆ دانوستاندن لەگەڵ لایەنە سیاسییەکان پێکهێناوە، کە لە نووری مالیکی، هادی عامری و فالح فەیاز پێکهاتووە. هاوکات بڕیاری پێکهێنانی لیژنەیەکی دیکەشی دا بۆ دەستنیشانکردنی کاندیدی پۆستی سەرۆک وەزیران
|