لە دوو مانگدا نزیکەی دوو هەزار تۆن چۆکلێت هاوردەی کوردستان کراوە
19 کاتژمێر پێش ئێستا
182 جار خوێنراوەتەوە
بەڕێوەبەری گشتیی گومرگی هەرێمی کوردستان دەڵێت، ساڵانە بە هەزاران تۆن چۆکلێت و نەستەلە هاوردەی هەرێمی کوردستان دەکرێت، بەڵام لە مانگی پێش جەژن بڕەکەی زۆر بەرز دەبێتەوە.
کەمال رەئووف، بەڕێوەبەری گشتیی گومرگی هەرێمی کوردستان بە میدیاکانی راگەیاند، ساڵانە هەزاران تۆن چۆکلێت و نەستەلە هاوردەی هەرێمی کوردستان دەکرێت، بەتایبەتی مانگی یەک، دوو و مانگەکانی پێش جەژن خواست لەسەر چۆکلێت و شیرینییەکان زۆر دەبێت و زیاتر هاوردە دەکرێت.
بەڕێوەبەری گشتیی گومرگی هەرێمی کوردستان دەڵێت، "لە دوو مانگی سەرەتای ئەمساڵ، پێنج هەزار تۆن نەستەلە و هەزار و 800 تۆن چۆکلێت هاوردەی هەرێمی کوردستان کراوە."
وتیشی، بڕەکە لە ساڵێکەوە بۆ ساڵێکی دیکە جیاوازە، بەپێی خواست بڕی هاوردەکردن کەم دەکات یاخود زیاد دەکات.
لە رۆژانی جەژنی رەمەزان و قورباندا وەک نەریتێک موسڵمانان سەردانی یەکدی دەکەن، چۆکلێت و شیرینی پێشکێشی میوان دەکرێت، بەو هۆیەوە بەر لە جەژنەکان خواست لەسەر چۆکلێت زۆر دەبێت.
|