چوار هەفتەیە ئەمریکا هاوردەکردنی نەوتی عێراقی ڕاگرتووە
1 کاتژمێر پێش ئێستا
141 جار خوێنراوەتەوە
بەپێی ڕاپۆرتە جیهانییەکان و ئامارە فەرمییەکانی فەرمانگەی زانیاریی ئینێرژیی ئەمریکا (EIA)، بۆ چوارەم هەفتەی لەسەریەک ویلایەتە یەکگرتووەکانی ئەمریکا هاوردەکردنی نەوتی خاوی لە عێراقەوە ڕاگرتووە و ئاستی هاوردەکردن لەم ماوەیەدا گەیشتووەتە ئاستی سفر.
بەپێی هەمان داتا، جگە لە عێراق، لەم ماوەیەدا هاوردەکردنی نەوت لە هەریەکە لە وڵاتانی سعوودیە و نەیجەریاشەوە ڕاگیراوە و پشکیان لە بازاڕی هاوردەی ئەمریکادا سفر بووەتەوە.
لە بەرامبەر پچڕانی هاوردەی نەوتی عێراق و ئەو وڵاتانە، فەرمانگەی زانیاریی ئینێرجیی ئەمریکا ڕیزبەندیی ئەو وڵاتانەی ئاشکرا کردووە کە نەوتیان بۆ بازاڕەکانی ئەمریکا دابین کردووە:
کەنەدا: پلەی یەکەم (٣٫٦٣٥ ملیۆن بەرمیل لە ڕۆژێکدا)
ڤەنزوێلا: پلەی دووەم (٦٨٨ هەزار بەرمیل لە ڕۆژێکدا)
مەکسیک: پلەی سێیەم (٤٨٠ هەزار بەرمیل لە ڕۆژێکدا)
بەڕازیل: ٢٤٢ هەزار بەرمیل لە ڕۆژێکدا
کۆلۆمبیا: ١٤١ هەزار بەرمیل لە ڕۆژێکدا
ئێکوادۆر: ١٠٣ هەزار بەرمیل لە ڕۆژێکدا
لیبیا: ٨ هەزار بەرمیل لە ڕۆژێکدا
|