مه‌سعود بارزانی: سوپاسی ئەردۆگان و ئۆجەلان ده‌كه‌م
2 کاتژمێر پێش ئێستا
297 جار خوێنراوەتەوە
مه‌سعود بارزانی، ڕایگه‌یاند، سوپاسی رەجەب تەیب ئەردۆگان، سەرۆک کۆماری تورکیا ده‌كه‌م بۆ کردنەوەی 'دەرگای ئاشتی' و بە باشترین بژاردەی چارەسەرکردنی کێشەکانی ده‌زانك و 'هەروەها دەستخۆشی لە بەڕێز ئۆجەلان دەکەم کە هەنگاوی ئەرێنی نا و ئێمەش بە هەمو هێزی خۆمانەوە پاڵپشتی پڕۆسەی ئاشتین و چی لە ئێمە داوا بکرێ و لە دەستمان بێت، ئامادەین''.
مه‌سعود بارزانی به‌یانی ئه‌مڕۆ بۆ به‌شداریكردن له دوەم رۆژی سیمپۆزیەمی مەلای جزێری گه‌یشته جه‌زیره‌ی باکوری کوردستان، له وتارێكدا لەبارەی پڕۆسەی چارەسەری پرسی کورد لە تورکیا، ڕایگه‌یاند، "زۆر دڵخۆش بوین کە ئەو پڕۆسەیە دەستیپێکرد، دەبینین کە ئەم جارە پڕۆسەکە زۆر بە رێکوپێکی بەڕێوەدەچێ، چونکە میللەت، پەرلەمان و هەمو حیزبەکان پاڵپشتیی توركیان''.
ئاماژه‌ی به‌وه‌شكرد، "سوپاسی رەجەب تەیب ئەردۆگان، سەرۆک کۆماری تورکیا ده‌كه‌م بۆ کردنەوەی 'دەرگای ئاشتی' و بە باشترین بژاردەی چارەسەرکردنی کێشەکانی ده‌زانك و 'هەروەها دەستخۆشی لە بەڕێز ئۆجەلان دەکەم کە هەنگاوی ئەرێنی نا و ئێمەش بە هەمو هێزی خۆمانەوە پاڵپشتی پڕۆسەی ئاشتین و چی لە ئێمە داوا بکرێ و لە دەستمان بێت، ئامادەین''.
سیمپۆزیەمی مەلای جزیری ماوه‌ی دو ڕۆژه له هۆڵی کۆنفرانسەکانی هۆتێل دەدەمانی جزیره بەڕێوەدەچێت، مامۆستایان و ئەکادیمیستی زانکۆکانی هەرێمی کوردستان بۆ سیمپۆزیۆمەکە بانگهێشتکراون.
پڕۆسه‌ی چاره‌سه‌ری له توركیا و باكوری كوردستان له سه‌ره‌تای ئه‌مساڵه‌وه ده‌ستیپێكردوه، دوای ئه‌وه‌ی ده‌وڵه‌ت باخچه‌لی ده‌ستپێشخه‌ری ڕاگه‌یاندو دواتر عه‌بدوڵا ئۆجه‌لان، ڕێبه‌ری زیندانیكراوی پارتی كرێكارانی كوردستان (په‌كه‌كه) له په‌یامێكدا له دوای كۆبونه‌وه‌ی له‌گه‌ڵ شاندی په‌رله‌مانتارانی ده‌م پارتی، داوای چه‌كدانانی له په‌كه‌كه كرد و قه‌ندیلیش بڕیاره‌كه‌ی جێبه‌جێكرد و خۆهه‌ڵوه‌شاندنه‌وه‌ی ڕاگه‌یاند.
|